自從有左BB之後,我真係覺得超暈.........暈係正常的,但係比有左晴晴果時暈好多,所以就走去睇中醫,原來中醫話我仲有風寒未清,我返去飲左兩劑藥就已經好左好多,真掂!!!而家無成日暈喇,只會好想早點睡覺,因為真的會比正常人累的。

自從晴晴過左兩歲之後,我覺得佢成個人都唔同晒,識好多野又講好多野,唔通真係開竅,我真係好開心,佢成日講野,我同佢就好似多左好多溝通,感情又好左,之前我可能剛剛有左BB,自己又唔知,情緒好唔穩定,有時都會發晴晴脾氣,好大聲好嚴厲咁鬧佢,而家想起自己真係有D過火,我的態度太惡了,對住個兩歲的小朋友黎講實在太過份,好在,而家身體好返,個人舒服左,情緒又穩定返,真係會正視下依個問題。佢而家學野好快,我要買多D書同佢一齊睇,唔好浪費左D時間。仲有,晴晴之前好怕"勿"生人的,但係佢兩歲的生日,同左阿德D契家姐契哥食飯,佢竟然無以前咁驚,仲有同佢地玩TIM,真係大個女,好開心..........

去左家居展,都OK丫,最緊要係免費入埸,我以為淨係得一個展館,點知有兩個喎,真係幾多野行,有D野都OK平,可惜我地未有真正的家,所以都唔會考慮咁多.......希望快D啦,但係我諗應該同BB出世的時間差唔多,到時就真係多野煩LA >.........<

琴晚睇左[犀照],佢地話劇情好,又唔係好恐怖,所以就諗住睇下啦!唉......我都係唔睇得恐怖片,一有D比較恐怖的的聲音或者係知道會見到D恐怖的野,我就朵在阿德的心口,佢又會好大力咁按住我的頭,所以就真係好似好恐怖咁,結果,全部恐怖的片段我都無睇,都好似無睇過咁,無晒意義.........算把啦........