剛剛過了的星期日，十分的累呢!!皆因阿德的家姐要搬了，我就幫忙睇住兩個B，又幫下手清潔地方咁啦，原來都好累!我和家姐佢地早上9點到就已經起床，阿德就仲訓緊(因為星期六晚已經開始折野了)，所以我地就去左冬菇亭食早餐先，果然，冬菇亭的早餐係最好味的。

到中午，男人就開始又搬又折，我就負責看住兩個B，都真係幾吃力架，佢地走來走去，又唔可以在屋企範圍玩，因為已經放了很多被分折的傢俱，所以只好在屋外的走廊玩。當佢地搬晒D野去新屋時，屋企就只我們，空間都大了，我就繼續幫我的侄子剪頭髮(因為星期六同佢剪剪下訓著左)，唔知點解，佢怕被佢媽咪剪，我同剪就坐定定的，可能我是開住THOMAS比佢睇，所以佢好專心咁睇，都任我剪了。佢爸爸一見到佢就話佢似"壞蛋"........哈哈,真係好好笑!我遲D會UPLOAD佢同晴晴的新髮型比大家睇下我的CREATIVE STYLE!我發覺我真係幾鐘意同小朋友剪頭髮，佢地剪什麼髮型都好得意，我就放膽去剪了!

到晚上，佢地D男人回我家重組了返時，我就在家姐的新屋幫忙清潔的工作，她說:[原來真係幾開心架，終於有返自己的家，就算這間屋不是自己出錢買的，經過了仲多的是是非非先搬到入黎，到現在都是開心的]我好明白，因為看到差不多所有家俬都到齊，好像一個家了，大人小孩各自有房間，而且新屋的感覺氣氛都好好，真的好幸福!大家清潔了一輪，又搬又拆又組合一番後，晚飯過後，終於第一次唔係一齊返屋企，家姐佢地返去新屋了，她竟然說:[原來都有唔捨得]，當時我太累了，我只覺得好恭喜佢有返自己的一個家，什麼感覺都沒有了，可是星期一的早上，當我撘巴士的時候，我回想她這句話，我有了共鳴......真係好唔捨得!!!